Haec ait. illa tremens, ut supplicis aspicit ora
conticuisse viri iamque et sua verba reposci,
[p. 174]
nec quibus incipiat demens videt, ordine nec quo,
quove tenus, prima cupiens effundere voce
435omnia, sed nec prima pudor dat verba timenti;1
haeret et attollens vix tandem lumina fatur:
'quid, precor, in nostras venisti, Thessale, terras?
unde mei spes2 ulla tibi? tantosque petisti
cur non ipse3 tua fretus virtute labores?
440nempe, ego si patriis timuissem excedere tectis,4
occideras, nempe hanc animam cras saeva manebant
funera. Iuno ubi nunc,5 ubi nunc Tritonia virgo,
sola tibi quoniam tantis in casibus adsum
externae regina domus? miraris et ipse,6
445credo, nec agnoscunt hae7 nunc Aeetida silvae.
sed fatis sum victa tuis; cape munera supplex
non8 mea; teque iterum Pelias si perdere quaeret
inque alios casus, alias si9 mittet ad urbes,
heu formae ne crede tuae.' Titania iamque
450gramina Perseasque sinu depromere vires
coeperat hisque10 iterum compellat Iasona dictis:
'si tamen aut superis aliquam spem ponis in istis11
aut tua praesenti12 virtus te educere leto,
si te forte potest, etiam nunc deprecor, hospes,
455me sine et insontem misero dimitte13 parenti.
dixerat: extemplo (neque enim matura ruebant
sidera et extremum suffecerat14 axe Booten)
cum gemitu et multo iuveni medicamina fletu
[p. 175]
non secus ac patriam pariter famamque decusque
460obicit. ille manu subit et vim corripit omnem.15
Inde ubi facta nocens et non revocabilis umquam
cessit ab ore pudor propiorque16 implevit Erinys,
carmina nunc totos volvit17 figitque per artus
Aesonidae et totum septeno murmure fertur
465per clipeum atque viro graviorem reddidit hastam,
iamque sui tauris languent absentibus ignes.
'nunc age et has' inquit 'cristas galeamque resume,
quam modo funerea18 tenuit Discordia dextra.
hanc iace per medias, cum verteris aequora, messes;
470protinus in sese conversa furoribus ibit
cuncta phalanx, atque ipse fremens mirabitur et me
respiciet fortasse pater.' sic deinde locuta
iam magis atque magis mentem super alta ferebat19
aequora, pandentes Minyas iam vela videbat
475se sine. tum vero extremo percussa dolore
arripit Aesoniden dextra ac summissa profatur:
'sis memor, oro, mei, contra memor ipsa manebo,
crede, tui. quantum20 hinc aberis, die quaeso, profundi?
quod caeli spectabo latus? sed te quoque tangat
480cura mei quocumque21 loco, quoscumque per annos;
atque hunc te meminisse velis et nostra fateri
munera,22 servatum pudeat nec virginis arte.
ei mihi, cur nulli stringunt tua lumina fletus?23
an me mox merita morituram patris ab ira
485dissimulas?24 te regna tuae felicia gentis,
te coniunx natique25 manent; ego prodita abibo;
nec queror et pro te lucem quoque laeta relinquam.'
[p. 176]
protinus hospes ad haec (tacitis nam cantibus illum
flexerat et simili iamdudum adflarat26 amore)
490'tune'27 ait 'Aesoniden quicquam te velle relicta
credis et ulla pati28 sine te loca? redde tyranno
me potius, recipe ingratos atque exue cantus.
quis mihi lucis29 amor? patriam cur amplius optem,
si non et genitor te primam amplectitur Aeson,
495teque tuo longe fulgentem vellere gaudens
spectat et ad primos procumbit Graecia30 fluctus?
respice ad has voces et iam, precor, adnue, coniunx.
per te, quae31 superis divisque potentior imis,
perque haec, virgo,32 tuo redeuntia sidera nutu
500atque per has nostri iuro discriminis horas:
umquam ego si meriti sim noctis et33 immemor huius,
si te sceptra, domum, si te liquisse parentes,
senseris et me tum non haec promissa tuentem,34
tum me non tauros iuvet evasisse ferosque
505terrigenas, tum me tectis tua turbet in ipsis
flamma tuaeque artes; nullus succurrere contra
ingrato queat, et si quid tum35 saevius istis,
adicias meque in medio terrore relinquas.'
audiit atque simul meritis periuria poenis
510despondet questus semper Furor ultus amantum.36
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 nec — timenti habet Par.
2 spes M, sps V
3 ipse M, ipsa V
4 sq. cras saeva manebant funera Leo, pars saeua manebat Funeris V
5 iuno ubi nunc V, en ubi Iuno C | tritonia M, tritinia V
6 ipse T Bon.1 ipsa V
7 hae Bon.1, haee V, haec Baehrens
8 Non V, nunc T1 Bon.2
9 si Heinsius, om. V
10 hisque Langen, his V
11 in istis Thilo, cf. 442, om. V, in ullis Ph. Wagner, sumtis al. sp. p. in armis C
12 presenti Bon.1, persenti V | te educere V, educere Iunt.1,vulgo
13 dimitte Bon.1, demitte V
14 suffecerat V, suffixerat Bon.2, vulgo; sed nescio an voluerit poeta Booti occaso iam et quasi defuncto astrum tanquam vicarium dari | Booten T1 Maserius, boontem V
15 omnem M, hominem V
16 propriorque V
17 volvit Voss, soluit V
18 funerea M, funera V
19 ferebat M, furebat V
20 quantum V, quando C
21 quocumque M2, quodcumque V
22 Munera M, Munerat V
23 nulli stringunt tua l. fletus vel nullo stringuntur l. fletu Heinsius, nullos stringunt tua l. fletus V, nullo tinguuntur l. fletu Ruhnken
24 Dissimulas M, Dissimilis V
25 natique T1Schenkl, nataeque V, materque nonnulli apud Pium | abibo VCb,cf. Thes.l.L. 168, 50 sqq., obibo Ca, vulgo
26 adflarat Pius, adflebat V, adflabat M, cod. Bon.
27 Tune C, Tunc V
28 pati Gronovius, peti V
29 lucis M2, locis V
30 procurrit Heinsius, sed ipsam Graeciam prosxunhsein Medeam sicut deam Iason blande promittit | graecia M, gratia V
31 quae Bon.2, qui V
32 virgo T Bon.2, ergo V
33 si meriti sim noctis et C, si meritis noctis V, si meriti, si noctis sim Langen (sum Baehrens）
34 me tum —tuentem Heinsius, mea tum — uidentem V, me umquam — tuentem Baehrens, me iam — tuentem Langen
35 tum Baehrens, tu V, tibi Burmann | istis Bon.2, ipsis V, fort. igni est
36 amantum Kr., amantis V
C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.